Mouà tei nià faateniraa i to ù 'āià, o AORAI [1] tūnui i te reva tià hau,
Vaitaheraa no te itouira, o Vaitārere matareva vaihiòhiòraa no te huitapairu,
Tahua òreroraa vai taha noa ra, tahua teòteòraa no to ù ààu, o T'ŌMĀ [2] te tahua àrueraa,
Òutu tei tai, taperaa òre, hitiraa òre, hāati i na poro e hā, o Hitimureòre,
E Tahuà Tiààu, raverave i te manoìte, o Oviri i te puaavao,
E te manotini nui, Ia ora, Ia raa te iòa o te huaài, ia roohia te parau e te mau.
Tātou pāatoà ia ora i te hau o te TumuNui.

Hauhari anaè mai i te tahua, a tanu i te māa ia hotu te rau, ia rau te àpe èi fare àpe, tāmaru i te àuhune ia para te māa maitaì.
Poroìraa i tō te huaai a Taaroa mā, o ia tei rahu i te ao maòhi a tae mai ai te TumuNui no te tau àuhune,
Horohororii haavitiviti i te òtià o teie ao, a viri te hātua no te moàraa, ia papu te taahiraa, ia toro te arero parau tià,
Hou a miri ai tatou i te aore, a horomii i te mii tō'āhua, a momi i te taèroraa, ia toe te òeha.
Faatau i te aroha i roto i te àpu maòhi, ia àhu te huaai i te tīputa moà no te aroha mau,

Mouà tei nià faateniraa i to ù 'āià, o AORAI [3] tūnui i te reva tià hau,
Vaitaheraa no te itouira, o Vaitārere matareva vaihiòhiòraa no te huitapairu,
Tahua òreroraa vai taha noa ra, tahua teòteòraa no to ù ààu, o T'ŌMĀ [4] te tahua àrueraa,
Òutu tei tai, taperaa òre, hitiraa òre, hāati i na poro e hā, o Hitimureòre,
E Tahuà Tiààu, raverave i te manoìte, o Oviri i te puaavao,
E te manotini nui, Ia ora, Ia raa te iòa o te huaài, ia roohia te parau e te mau.
Tātou pāatoà ia ora i te hau o te TumuNui.