Texte publié sur le

Forum du Fare Vanaa. Posté le: 25 Sep 2003 14:19 Sujet du message: E reo no te varua
Auteur: TKNui

E hia rahira'a ta'ata i parau na i to ratou 'apira'a aita e faufa'a e ha'api'i
i te reo ma'ohi, e reo no te feia pouri, e reo

no te 'aihere, e reo no te po...
Ua rau ho'i te pi'ira'a i topahia i ni'a i te reo no te ha'afaufa'a 'ore ia
na. Ua tu'uhia

te reo ma'ohi e teie feia i ni'a i te faito. Mai te tahi pua'a
te huru, mai te tahi 'animara e tano ia ha'apohe no te mea ua

mana'o ratou e
'ore te reira e riro mai 'ei faufa'a, 'oia ho'i 'ei moni, aore ra 'ei 'imira'a
a faufa'ahia ai ratou.

E'ere na te ta'ata no rapae teie mau parau i fa'ahiti, na to tatou iho mau
taure'a o tei 'i roa i te te'ote'o e

te fa'ahiahia ia ratou iho. Mea 'ohie roa
teie mana'o i te fara'a mai i roto i to ratou pepenu maramarama. Hi'o noa i


te mea e ha'api'ihia ra i te fare ha'api'ira'a, tei hea ra te vaira'a o te reo
ma'ohi. Parau mau i na 'ahuru matahiti i mahemo

a'e nei, ua 'itehia te tahi
'u'urura'a mai roto mai i te tahi pae o te nuna'a o tei fa'a'ite mai i te hinuhinu
o te reo

ma'ohi, na mua atu ra aita roa atu ia ho'e noa a'e 'a, e aore ia te
parau no te reo ma'ohi, e pa'a noa.

I teie

ra mahana, te farerei nei te tahi pae o taua iho nei mau taure'are'a
i te fifi i mua i te ta'a-'ore-ra'a i te reo ma'ohi. Maoti paha

te haufenua
i hi'o mai i teie reo a ha'amata atu ai o ia i te 'anapa ri'i. 'Inaha ra, te
fifi nei teie naho'a rahi

taure'are'a no te mea te u nei ratou i te titaura'a
o te reo i fa'atiho-noa-hia na e ratou mai tau mai. Ua parahurahu to ratou

ihu
i te ura'a atu i te 'uputa no te piha toro'a haufenua o tei titau i te parau
ma'ohi no te tihepura'a i te rave 'ohipa.


E'ere teie i te taime no te tuatapapa i te parau no te titaura'a te haufenua
i te reo ma'ohi i roto i te mau

harura'a parahira'a. Te vai ra to na parau,
penei a'e e matara te reira i te tahi mahana.

'Are'a ra hau atu i

te titaura'a a te haufenua i te reo no te tomora'a i roto
i ta na mau piha toro'a, te vai ra te tahi pae o teie mau taure'are'a o

tei
'i maite i te tatarahapa. Ua riro ratou 'ei metua i teie mahana, ua tamari'ihia
te rahira'a, ua pa'ari mai te

ferurira'a e ua ara'a mai te mata i ni'a i te
ao e te fenua i hi'i mai ia ratou. E'ere i te maere rahi to ratou ia fariu a'e


ratou i te mata i ni'a i te ta'ata e ha'ati nei ia ratou i te mau mahana ato'a,
te 'ata nei, te ta'i nei, te himene noa nei, te

tau'aparau noa ra... na roto
i te reo ma'ohi.

O vai te ta'ata e haere noa ra na ni'a i te purumu e 'ore o ia e

ta'a ra i
te parau e parauhia ra e te feia e ha'ati ra ia na? 'Oia mau, o te ratere ia,
te ta'ata no rapae mai.

A huri na tatou e a hi'o ana'e o vai teie e haere noa ra ma te tau'a 'ore mai
i te mea e parauhia ra, o te ratere ia,

'are'a te ta'ata e hi'o noa mai ra ma
te 'ata'ata noa ma te ta'a 'ore, o teie ia u'i 'api o tei 'ere i to na iho reo.
E

rave rahi o ratou o tei reva a'e nei i te fenua atea, mai reira mai te hia'ai
i te tupura'a, te hia'ai no te rirora'a 'ei ta'ata tahiti

mau.
Te 'ite ra tatou e'ita te faufa'a o te reo ma'ohi e vai i te pae no te pute,
aore ra i te pae no te 'afata

moni. Tei roto ra to na parau i te faufa'a no
te varua, na na e fa'a'ite mai e nuna'a tatou, e huru ta'ata i raro i teie nei <br

/>
ao, e 'a'au ta'a'e to tatou i te feia no rapae mai. E'ere maoti ho'i na te 'u
o te 'iri, e'ere na te 'u o te mata e fa'ata'a

ia tatou i teie mahana, na te
reo ra tatou e taho'e.
E ho ma, fa'aitoito mai i te parau i to tatou reo, ia ha'api'i

atu tatou i ta
tatou mau tamari'i mai te 'aiura'a mai. 'Eiaha e ti'aturi i te fare ha'api'ira'a
no te amora'a i teie

tuha'a 'ohipa. 'Aita e ha'apa'ohia ra te varua i te fare
ha'api'ira'a, te mau ture e te mau fa'aturera'a noa teie e ha'api'ihia ra i


reira. Tei roto noa i te 'utuafare te varua i te vaira'a, ia fa'aea mai te reo
i roto i te 'utuafare e ti'a ai. Ia honi noa te

varua e te reo mai te te pua
e te manupatia, te tane e te vahine, te ao e te po...

Mauruuru i te tai'ora'a mai

!